Ambe tu hai Jagdambe Kali, Jai Durge Khappar Wali,
Tere hi gun gaave Bharati, O Maiya hum sab utaare teri aarti.
Tere bhakt jano par Mata, bheer padhi hai bhaari.
Danav dal par toot paro Maa karke Singh sawari.
Sau-sau sihon se hai balshali, asht bhujayon wali,
Dushton ko tu hi lalkarti.
O Maiya hum sab utaare teri aarti.
Maa-bete ka hai is jag mein bada hi nirmal naata.
Poot-kapoot sune hain par na Mata suni kumaata.
Sab pe karuna darshane wali, amrit barsane wali,
Dukhiyon ke dukhade nivarti.
O Maiya hum sab utaare teri aarti.
Nahi maangte dhan aur daulat, na chaandi na sona.
Hum to maangen tere charnon mein chhota sa kona.
Sabki bigadi banane wali, laaj bachane wali,
Satiyon ke sat ko sanvarti.
O Maiya hum sab utaare teri aarti.
Charan sharan mein khade tumhari, le pooja ki thali.
Varad hast sar par rakh do Maa sankat harne wali.
Maiya bhar do bhakti ras pyali, asht bhujayon wali,
Bhakton ke kaaraj tu hi saarti.
O Maiya hum sab utaare teri aarti.
